Umphathiswa wesebe lezempilo uNomakhosazana Meth unikezele ngeeklinikhi ezihambayo (mobile clinic) ezingamashumi asixhenxe anesithathu kwisibhedlele iMakhiwane ngomhla weshumi elinesine kwinyanga yoMdumba, olu nikezelo luyinxalenye yeenzame zelisebe zokuqinisa ukhathalelo lwempilo olusiseko ePhondweni.
Inani elipheleleyo le-mobile clinics ezinikelweyo liquka inani leeklinikhi zamazinyo (mobile dental clinic) ezilishumi elinesibini kwakunye nee-mobile clinic ezingamashumi amathandathu ananye, apho izithili zonke zeMpuma koloni zizothi zixhamle kuzo. Ezi zithuthi zizokujongana neemfuno eziphezulu kwiindawo ezikude zifikelele nakwiindawo ezingenazo izixhobo ezizinzileyo kwakunye nokuphucula imeko yempilo yoluntu. Ezi mobile clinics zinezixhobo eziquka izitulo zokuxilongela, oomatshini boxinizelelo lwegazi, iseti yokuxilonga, ifriji yokugcina amayeza okugonya,izikali zabantwana kwakunye nezabantu abadala kwakunye ne-oksijini. Ngokubeka phambili ukhathalelo lwempilo kwakunye nokulungisa izikhewu zeziseko ezingundoqo eli nyathelo libonisa ukuzinikela kukarhulumente ekuqinisekiseni ukufumaneka ngokulinganayo kukhathalelo lwempilo olusemgangathweni kubo bonke abemi.
UMama uJack osuka kwi-Ofisi yephondo ojongana nokhathalelo lwempilo olusiseko, ngethuba ebonisa ngeezinto ezingaphakathi kwimobile clinic uyichazile into yokokuba ezi mobile clinic zilungele ukuba zingama naphina nanjengoko benazo zonke izixhobo eziyimfuneko ukukhangela ivitals zezigulana. Uqhubile esithin”Lena yeyona iphambili yokhathalelo lwempilo kwaye sinayo yonke into yokujonga izigulana phambi kokuba sizinike amayeza, asisayi kuphinda sisebenzise izindlu zabantu ngoku, kuqala sasisebenzisa izindlu zoCeba okanye ezeNkosi kodwa ngoku asikho isidingo salonto.”
Umphathiswa wesebe lezempilo eMpuma Koloni uNomakhosazana Meth uthi isebe longeza amashumi asixhenxe anesithathu eMobile clinics kumashumi amahlanu anesine ebebeyinikezele kunyaka ophelileyo, eqhuba uthe “sikhuthaza into yokuba ezi mobile clinic zikwazi ukuqhuba nangempelaveki kwaye kufuneka zibeneentsuku ezisigxina ezaziwayo ezifika ngazo kunye nendawo ezihamba kuzo”.Ugxininisile esithi baziva bonwabile ngumsebenzi abawenzayo nanjengoko besongeza kwinani besele likho kwaye baagqiba ngalemisebenzi bawenzayo,ulincomile igalelo abalenzileyo ukuqala ngonyaka ka 2022 ukuya ku 2023 apho isebe liye laqinisekisa ukuba kukho ingqesho kwabasebenzi abatsha kunye nokutshintshwa kwabo bakhoyo.
Mphathiswa ngethuba equkumbela intetho yakhe uthe “Ndilindele ukufumana iimpendulo kubantu bePhondo, ezilalini nakwiilokishi besithi bayancoma umsebenzi abawunikezelwa zezinqwelo asenzeli kuhomba ngezinqwelo ngoko ke kufuneka zithi bhazalala ingakumbi ngempelaveki ziyonika abantu iinkomzo zempilo. Njengoko siyazi ukuba ikliniki zethu ziyavala ngolwesihlani kwaye kusetyenzwa iiyure ezisibhozo ngosuku,kwaze azisebenzi ngempela veki ngako okokufuneka sibeneenkqubo eziya ebantwini ingakumbi ngexesha apho iiklinikhi zingafumaneki khona”.