Usekela Mongameli wombutho wezopolitiko u-Nqabayomzi Nkwankwa, uhlanguliwe emva kutyholwa ngelokuba ebethinjiwe endleleni eya kwisikhululo senqwelo moya saseKapa ngenjikalanga yanamhlanje.
Ngokwengxelo yenkokheli yombutho, uBantu Holomisa uthe imali engaka nge R10 000 iye yabhatalwa.”Ukhuselekile ngoku, ebeqweqwedisiwe ngethuba esiya kwisikhululo seenqwelo moya, bathatha imoto kwakunye nezinye izinto zakhe” kutsho uHolomisa, egqibelisa uthe bakwazile ukubhatala imali leyo ibifunwa.
Ethetha noonondaba eKapa usekela nobhala jikelele wombutho we UDM, uZandile Phiri uthe, uNkwankwa ebenohambo oluya kumsitho wokumiselwa kukaMongameli oluseRhawutini kwii Union Buildings. “Ngeshwa, asikwazi ukuqhubeka sithethe lukhulu ngelixesha, umbutho ubhatele imali ebifunwa ngabarhanelwa kwaye umbutho uzakuthi ukhuphe ingxelo”