UMzantsi Afrika uthathe inyathelo elikhulu kwidabi lawo lokulwa norhwaphilizo ngokuphehlelelwa ngokusesikweni kweQonga lokuLwa uRhwaphilizo kwiCandelo laManzi (i-WSACF).
Eli qonga lengxoxo linyathelo lobuchule lokulungisa imingcipheko eyandayo yorhwaphilizo kwicandelo lamanzi lelizwe kwaye lizinze kwiNtsika yesiThandathu yesiCwangciso-qhinga seSizwe sokuLwa uRhwaphilizo (i-NACS), esigxile ekukhuseleni amacandelo asemngciphekweni ngolawulo lomngcipheko olomeleleyo kunye nemilinganiselo yokuphendula.
Isithethi seCandelo loPhando oluKhethekileyo (SIU) uKaizer Kganyago uthe ukusekwa kweWSACF likhwelo loluntu lonke lokuthatha amanyathelo okuncothula urhwaphilizo kulawulo lwamanzi.
“Lo mzekelo wentsebenziswano womeleza uxanduva lokuphendula, uvala izikhewu, kwaye uphumeze izicwangciso zothintelo ezinokulinganiseka nezinokwenziwa.” utshilo uKganyago.