UNobhala Jikelele we-Interpol, uGqirha Jürgen Stock, uthi umbutho wakhe uzakuqhubeka nokuxhasa uMzantsi Afrika ukulwa namaqela ezizwe ngezizwe asandula ukuqhuba imisebenzi yawo eMzantsi Afrika.
U-Stock ukwelilizwe ukuza kunikezela ngobuchwepheshe obutsha obuza kunceda iNkonzo yesiPolisa yaseMzantsi Afrika ekulweni ulwaphulo-mthetho olunqumla imida.
UMzantsi Afrika uyinxalenye yamazwe ali-196 athe azimanya ne-Interpol. UGqr. Stock uthi ulwaphulo-mthetho luluqilima ngakumbi.
“Ndilapha eMzantsi Afrika ukuza kunikezela ngesixhobo esitsha esisetyenziswa yi-Interpol ngoku ukuzisa iinkcukacha ezifanelekileyo zamapolisa ezivela kumazwe ethu angamalungu ali-196 kwindawo yokuqala kwezobupolisa. Izixhobo eziphathwayo ezinokuthi zisetyenziswe kuyo nayiphi na ithrekhi kwimida ebalulekileyo okanye kuyo nayiphi na imisebenzi yamapolisa. UMzantsi Afrika uyinxalenye yolu vavanyo. Nakuphi na ukutshintshiselana ngenkcazelo ngundoqo ekubhangiseni la maqela alungelelanisiweyo olwaphulo-mthetho asebenza ngokwenene kuwo onke amazwekazi.”
Kusenjalo, uMkomishinala wamaPolisa oMzantsi Afrika, uFannie Masemola, uthi eli lizwe alinakusetyenziswa njengendawo yokuzimela izaphuli-mthetho zamazwe ngamazwe, ekufihleni abo babandakanyekayo ekuqokeleleni imali yemibutho etyholwa ngokuba ngabanqolobi.
“Sineqela lesizwe elijongene nomsebenzi kwaye sikwanalo namaqela asebenzayo kwiphondo asebenzisanayo kwaye angena endleleni. Baninzi abantu ababanjwayo kodwa ngelishwa, olu lwaphulo-mthetho lusaqhubeka kwaye ndicinga ukuba siya kukwazi ukubuchitha. Eli qela lisebenza kakuhle kwaye ngumba ophambili wethu ukuthoba oku kweli lizwe.”