Uchulumanco belibhaliwe ebusweni beenqununu abazali kwakunye nabafundi bebanga leshumi ka2023, ngomhla weshumi elinethoba kweyoMqungu, ngethuba bekubhiyozelwa ukuphumelela kwabafundi ze banikwa iimbasa nezipho yiNkulumbuso yephondo u-Lubabalo Oscar Mabuyane, kwakunye nomphathiswa wesebe lezemfundo u-Fundile Gade. E-Monti e-ICC.
Lomsitho uza emva kokuba ingxelo yesebe lezemfundo ibonakalise ukuba elisebe linyuke ngo 4.1%, nalapho oka Gade wafunga wamunca iintupha esithi elisebe lizakufika ku-80%. Abaphathiswa bamasebe ohlukileyo kwelipondo ebewuzimasile lomsitho ukuquka uceba Princess Faku ongusodolophu womasipala ombaxa I Buffalo City Metro.
Inkulumbuso ingqinile ukuba iseninzi into efuna ukulungiswa ingakumbi kwiingingqi ezitsala nzima nezingathathi ntweni ezifana no Alfred Nzo, ekwabalule ukuba abafundi bayanda nanjengoko iidyunivesithi zeli zimbalwa. Ugqibelise ngokubulela iititshala ebezibila zisoma zilala ezikolweni. Othethela I association ye SGB uNkosazana Mapundu ulibulele isebe lezemfundo ze wancoma abafundisintsapho wavala ngelithi “Nanga ningadiswa ukwakha umntwana omnyama, huntshu”.
Usihlalo wekomiti yeportfoliyo kwezemfundo u mnu. Saziwa uthe”Namhlanje asingo mka nja” esithi umninzi umntu oncame konke eqinisekisa ukuba eliphondo alibiyintlekisa, egqibelisa ubhekise kumphathiswa wezemfundo ngelithi “Sifuna u85% nangaphezulu kulonyaka ka 2024, apho siya khona Dlamini siya kwisikhundla sokuqala njengephondo”. UVumile Ngwanya ongumzali womnye wabafundi abagqwesileyo uSandiso Ngwanya Mcoseleli nobefunda kwisikolo iJojo Senior Secondary, uthe “Ndonwabe kakhulu ukubona ukuba unyanam usabambe iimfundiso neziyalo zam zemfundo, akukho lula nanjengoko ndibakhulise ndedwa umama wabo sewalandulela eli”.