Inkonzo yamaPolisa oMzantsi Afrika (SAPS) ithi isondele ukuba ibambe abarhaneleka kudubulo lwaseLusikisiki. Ngentseni yangoMgqibelo umhla wamashumi amabini anesibhozo, abantu abalishumi elinesixhenxe badutyulwe babhubha kumakhaya amabini ohlukeneyo kwilali yaseNgobozana,eLusikisiki eMpuma Koloni.
Amaxhoba kuthiwa zizizalwane nabamelwane ebebelungiselela isiko ebelihlelelwe ukwenziwa kamva kwangalo mini. Inani lababhubhileyo ngoku linyuke laya kutsho kwishumi elinesibhozo njengoko ixhoba lamva nje libhubhele esibhedlele ngeCawe umhla wamashumi amabini anesithoba kweyoMsintsi kulo umiyo.
Isithethi samapolisa kuzwelonke uAthlenda Mathe ucacise wathi “Ndiyaqinisekisa ukuba amalungu ethu aqokelele bonke ubungqina kwindawo yexhwayelo. Baye benza udliwano-ndlebe namangqina aphambili kunye namalungu oluntu. Bahlala besebenza nzima ekuhlalutyeni lonke ulwazi olukhoyo kwaye balandela zonke iinkokeli. Siqinisekile ukuba siyakuchaphazela ukubanjwa okuyimfuneko kwakamsinyane. Asileqisi abecuphi bethu kunye namaqela ethu asebenza ngophando-nzulu asele ephantsi ukusukela oko kwenzekileyo. Ngoko asibabeki ngcinezelo engafanelekanga, asifuni iimpazamo. Siphepha ukubanjwa ngokungekho mthethweni.”