Intombazana eneminyaka elishumi elinesibini eduke ebutsheni bale veki ifunyenwe ibulewe ematyholweni eMotherwell eMpuma Koloni ngentsasa yangoLwesihlanu.
Amapolisa abambe indoda enamashumi amathathu anethoba (39) ngezityholo zokuxhwila nokubulala emva kokubhaqwa komzimba kaLithaliyanda Ntini ngakwisitalato iKhabonqaba, kwaNU6, emva kwentsimbi yesibini ekuseni.
Ebegqibele ukubonwa ngoLwesibini emva kokuba eye kwivenkile ekufutshane. Zange abuye ekhaya.
Isithethi samapolisa uBrigadier Nobuntu Gantana usiqinisekisile esi sehlo kwaye uthi uphando luyaqhubeka.