USekela Mphathiswa wezoThutho uMkhuleko Hlengwa uthumele umyalezo kwabo bazama ukuqhatha iRoad Accident Fund (RAF) esithi ayingomdlalo welotto.
UHlengwa wenze la mazwi esungula iphulo le-8th yeZizwe eziManyeneyo leVeki yoKhuseleko eziNdleleni yeHlabathi eDurban ngeCawe.
USnegugu Mavundla weRAF, uthe ubuqhophololo ngumngeni ongaphakathi kwisebe likarhulumente, ubangele ukuba uMphathiswa aphendule.
UMavundla uthi ngamanye amaxesha abakwazi ukunceda uluntu kuba kukho abantu abaxokayo, bacebe okanye bazijule phambi kweemoto ezihambayo kuba besazi ukuba bazakufumana izigidi zeerandi. Nangona kunjalo, ngoku iRAF inokukuphepha oku kuba maninzi amanyathelo ekufuneka ihambe kuwo ngaphambi kokuba ixhoba lengozi yendlela lifumane imali ebecinga ukuba liya kuyifumana.
Ephendula, uHlengwa uxelele abo benza uhlahlo lwabiwo-mali lokwenzakala ezindleleni ukuba, “akukho mali kwaye uNondyebo weSizwe uthi njengoko siqokelela iR2,17 ilitha yepetroli okanye idizili kwiimpompo emva koko sinika iRAF, yenye yezinto ezonyusa iindleko zokuphila eMzantsi Afrika”.
“Hambani niye kukhangela ezinye iindlela zokufumana imali kuba kungekudala siza kuvala iR2,17 kwimpompo nganye.”
Uthe ngenxa yemali ethe kratya eqokelelwe kwiRAF, yena noMphathiswa wezoThutho uBarbara Creecy bavumelene kwaye babhale umthetho oyilwayo, abaza kuwuthatha bawuse ePalamente, nozakuthi wehlise imali ehlawulwa ebantwini.
UHlengwa uthe uRAF akayo lotto.
“Isebenza njengongenelelo lukarhulumente kwabo bangakwaziyo ukuzinceda ngoko ke siyayiqalekisa le mpatho yeRAF,” utshilo uHlengwa.