UMmantwa Tshabalala oneminyaka engamashumi amabini ananye, ngumrhanelwa weshumi elinanye obanjwe kwisikhululo seenqwelomoya I OR Tambo kwiinyanga nje ezimbini. Kwinyanga yoMsintsi kwabanjwa ummi wase Namibia nommi wase Nigeria.
UTshabalala ufike ngenqwelomoya esuka eSau Paulo Brazil. Wasiwa kwi X-ray etyhila izinto ezininzi zangaphandle kwi colon yakhe ne rectum. Lentwazana ikhuphe iziyobisi ezibhijelwe ngohlobolweembumbulu ezilikhulu elineshumi, ekukholeleka ukuba zixabisa I R600 000. Lo ka Tshabalala uvele enkundleni kamantyi yase Kempton Park namhlanje umhla wokuqala kweyeDwarha. Lomba umisiwe ukuze kuphandwe. Ngelixa uphando lusaqhuba uTshabalala uzakubuyela eluvalelweni ze aphinde avele enkundleni ngomhla wesibhozo kweyeDwarha ukuze afake isicelo sebheyile.