Inkonzo yemozulu kweli loMzantsi Afrika ithi kusenokwenzeka ukuba imozulu ebandayo ingaqhubeleka eMpuma Koloni.
Kukhutshwe isilumkiso seOrange Level 6 malunga nekhephu eliphazamisayo kwisithili saseJoe Gqabi, eMolteno naseMatatiele.
Imvula ephazamisayo ikwakhutshiwe kumasipala ombaxa waseBuffalo City, kwakunye nesithili saseOR Tambo neAmathole.
Kukhutshelwe inqanaba lesihlanu isilumkiso kwabanye oomasipala beli phondo malunga nokuphazamiseka kwemvula enokuthi ibangele izandyondyo zemvula.
UAyabonga Tshungwana ngusasazi kwinkonzo yeMozulu yoMzantsi Afrika eMpuma Koloni. “Kulindeleke ukuba ukubanda kuqhubeke ukusukela ngoMvulo kude kube ngolwesithathu kwaye imvula iza kuyeka ngomso, kungoLwesibini kwaye sisalindele ukuba ikhephu liyeke ngoLwesibini.”