IAfrican Diaspora Forum (ADF) nemele iimfuno zabemi bamazwe angaphandle kweli, ithi amalungu alo adibene nentiyo kubahlali ngethuba bezama ukubhalisa iivenkile zabo zasezilokishini, ngokwesibhengezo sikamongameli uCyril Ramaphosa kutshanje.
Abanini beevenkile zeSpaza banikwe de kube ngomhla weshumi elinesithathu kwinyanga yoMnga ukuba babhalise amashishini abo. Eli linyathelo likarhulumente lokujongana nomba wezifo ezibangelwa kukutya ezisube ubomi babantwana abangaphaya kwamashumi amabini kumaphondo ahlukeneyo.
Usihlalo we-ADF u-Amir Sheik uthi amalungu abo kusenokufuneka aphinde acinge ukuba yinxalenye yeshishini lespaza.
“Basebenzisa zonke iindlela zokuthintela amalungu ethu, ngamanye amaxesha bekukho ubutshaba-kukho ukoyikisa, ukuphazamiseka, kunye nokusetyenziswa kolwimi olukrwada. Sibongoza amalungu ethu-apho abona ngathi anobutshaba, anokuhlaselwa, akufuneki ahambe ngelixa sikhangela unyango.
Maninzi amanyathelo angqingqwa athathwa ngamalungu ethu, kwanabo baphumeleleyo naba baye kumasipala – inkqubo iyadika kakhulu, inkqubo ingqongqo kakhulu, kwaye banokungasifumani isiphumo abasilindeleyo kuloo nto. Amalungu ethu kufuneka aphinde awathathele ingqalelo la mashishini kuba eneneni aba ngumthwalo ngakumbi kunenzuzo,” wongeza uSheik.