Imeko yokubanjwa kweeyure ezilishumi elinesithandathu eMamelodi, kwimpuma yePitoli, iphele ilishwa kulandela iinzame zokungaphumeleli zamapolisa athinjwa.
Ipolisa, ekutyholwa ukuba libambe amalungu amabini osapho lwakhe, lizidubule labhubha ngentseni yanamhlanje.
Oku kwenzeke nje emva kokuba evumile ukumkhulula umama wakhe. Uye wabalekiselwa esibhedlele.
Amapolisa athi inkwenkwana eneminyaka elishumi elinesibhozo ubudala ifunyenwe ibhubhile inamanxeba okudutyulwa ngaphakathi endlwini.
Umkomishinala wamapolisa wesithili saseTshwane, uMajor General Samuel Thine uyacacisa, “Abathethathethwano bebesathethathethana befuna ukubona ukuba uConstable uya kuphuma na. Kuthe kusenjalo, ngelixa iqela lamapolisa lalisondela, kanye phambi kokuba lingene endlwini, kwavakala izithonga ezimbini.
“Kwafunyaniswa ukuba uConstable uthathe ubomi bakhe, wazibulala, ngelishwa umntwana oneminyaka eli-18 ubudala wabhaqwa.
Ngokwengxelo yamapolisa, uConstable Thapelo Mashigo, oneminyaka engamashumi amathathu anesibini ubudala, ungene kule nkonzo ngo2019 kwaye ebekwisikhululo samapolisa eBoschkop.