Umbutho wooTitshala boPhuhliso lwaBantwana aBasaqalayo (i-ECD) umemelele uMphathiswa weMfundo esiSiseko ukuba ajongane nezinto ezibaxhalabisayo kunye namabango okuba baqeshwe ngokusisigxina kwaye bafumane imbuyekezo efanayo nootitshala beBakala 1-12.
Bazise iimemorandam ezimbini kwiSebe leMfundo esiSiseko ngoLwesithathu. Le manyano inike iSebe iintsuku ezisixhenxe ukuba liphonononge amabango abo.
ISebe leMfundo lazamkela iimemorandam kwaye lazibophelela ekubuyeleni kootitshala beBakala R. UMlawuli weMfundo esiSiseko, uDavid Ntloana, uthi, “Ndiceliwe ukuba ndifumane imemorandam egameni loMphathiswa kwaye siyathembisa ukuba uMphathiswa ngokuqinisekileyo uya kubuyela kubunkokeli boMzantsi Afrika boPhuhliso lweMfundo yaBantwana ngokumanyeneyo. Kwaye siyazazi iintsuku njengoko uGqr etshilo kwaye ngokuqinisekileyo sikomiti ukuba inkonzo ibuyele kuni ngokukhawuleza.”