Umongameli uCyril Ramaphosa unyule uAdvocate Andy Mothibi njengoMlawuli omtsha weSizwe wezoTshutshiso woMzantsi Afrika.
Ukuqeshwa kukaMothibi kuqala ukusebenza ngomhla wokuqala kweyoMdumba kulo ka 2026.UMongameli uqinisekile ukuba ukuqeshwa kukaMothibi akuzulibaziseka.
Oku kwenzeka nangona kukho umngeni wenkundla wokumisa inkqubo yokuqeshwa.Iqumrhu lamagqwetha lifake isicelo esingxamisekileyo kwiNkundla ePhakamileyo yaseGauteng sokunqanda umongameli ekuchongeni uShamila Batohi oza kungena ezihlangwini zakhe.
“Ndizama ukucinga, siza kuthobela iingcebiso endizinikiweyo,” utshilo uRamaphosa. Uqhubile “Siyazi ukuba bekukho umngeni wenkundla. Sinempendulo. Kukho impendulo ecace gca koko bakuthethileyo.”
Igqiza labacebisi ligqibe kwelokuba akukho namnye kwaba mva nje kudliwano-ndlebe obekufaneleyo ukwenza lo msebenzi. Ingxelo zithi ngabantu abangamashumi amathathu ababefake isicelo sesikhundla esi kodwa ngenxa yokubona ukungafaneleki kwazozwa mphini wumbi.