Amapolisa aseGqeberha akhangela abarhanelwa ababini abaxhobe badubule umqhubi weteksi edolophini ngoMvulo.
Isithethi uKapteni u-Andre Beetge uthe esi sehlo senzeke phambi kwentsimbi yesihlanu ngokuhlwa kwirenki yeeteksi ecaleni kweBrister House eGovan Mbeki Avenue kuMbindi.
Uthi kutyholwa ukuba umqhubi weteksi oneminyaka engamashumi amane anesine ubudala, ebehleli kwisithuthi sakhe ngethuba amadoda amabini angaziwayo ebeezigqume ubuso eza kuye.
Omnye wadubula izihlandlo ezininzi kumzimba wakhe ongasentla ngaphambi kokuba abaleke ngeenyawo.
Ityala lokubulala liyaphandwa.
Igama lexhoba alikachazwa.