Ngokuzama ukukhuthaza ukuhanjiswa kweenkonzo okugqwesileyo, isebe lezokhenketho eBuffalo city Metro liqhube inkqubo yephulo elimangalisayo ngolwesihlanu, umhla wamashumi amabini anesibini kule yokwindla ngenjongo yokwazisa nokunika amathuba kwiwadi yamashumi amathathu anesithoba (39) kwiholo loluntu eGinsberg. Abameli ngokulinganayo (Prorpotional Representative’s PR) Cllr. Mawethu Kosani no wadi Cllr Lunga Gqola nabo bebeyinxalenye yalomsitho.
Ucweyo lujolise ekuphuhliseni ooshomashishini abatsha bokhenketho kwaye bakhule ngezakhono eziyimfuneko zabasebenzi abasele bekho ngenkqubo egxilileyo. Uphuhliso loqoqosho lwasekhaya luhambelana nezi nkqubo zilandelayo, izibonelo zobugcisa nekcubeko, ukuthengiswa kwendawo ekuthungwa kuyo, ukusasazwa kolwazi lokukhenketha, ulwazi lokukhenketha, uqeqesho lokukhenketha kunye nokuxhotyiswa ngezakhono, inkxaso yeshishini lokhenketho, uphuhliso lweziseko zophuhliso kunye nenkxaso yobugcisa.
Ebalaselisa injongo yosuku, umanejala omkhulu kwezoKhenketho eBCM uThandiswa Goerge uthe “sihlangene apha namhlanje sizokufundisa abahlali bakwa wadi 39 ngokubaluleka kokhenketho, iinkqubo namathuba akhoyo kushishino lwezokhenketho. Ishishini lokhenketho libonelela ngenkxaso kumashishini okhenketho asele ekhona ingakumbi amashishini amancinci naphakathi ukuze aphucule ukukhuphisana kwawo kunye nokubonelela ngenkxaso kushishino lokhenketho olutsha noluqwenelayo.
Phakathi kwezinye injongo zocweyo, isixeko sikhuthaza abantu basekuhlaleni ukuba bhachonge izixhobo eziluncendo kwindawo ekufutshane abazokuthi bathathe ithuba kuzo, ukuze umyalelo wokuphuhlisa imveleliso yokhenketho efumanekayo. Amasebe ahlukeneyo ebeyinxalenye yale ndibano yocweyo aquka isebe lobuGcisa neNkcubeko, imisitho, ezoLimo kunye ne Phanda Mzantsi.
Abahlali bakwa wadi 39 banesikhalazo sokuba bayive lento seyikumakhasi onxibelelwano sekucaca ukuba lento iye yagqaza amanani kuba abantu abanintsi bayayo thuka noxa abakwa wadi 19 bebuza ukuba izoza ninikubo kuba bayayilangazelela. Uceba uLunga Gqola uthe uyikhethe iGinsberg kuba iyinxalenye yeBuffalo City kwaye uyikhethe kuba eyazi abobana bantu babalasileyo kwizointo zoshishino ngabantu balegigqi kwaye ikwayiyo esesidikidikini segigqi zakhe. “Ewe andifuni kuphosisa ibikhona imingeni ekupapasheni lenkqubo kodwa ke siye saphuma phana nemto ethi sizophinda sibuye siyuiphinde lenkqubo kuba nathi sibonile impazamo zethu” utshilo uGqola.